«Қазақстан» телерадиокорпорациясы» АҚ мен «Хабар» агенттігі» АҚ ел аумағында 2022 жылғы Қытайда өтетін XXIV Қысқы Олимпиада ойындарының ресми хабар тарату құқығын иеленді, деп хабарлайды телеарнаның баспасөз қызметі.
«Қазақстандықтар 4-20 ақпан аралығында Бейжіңде өтетін Қысқы Олимпиада ойындарын «Qazaqstan», «Qazsport», «Хабар» және «El arna» телеарналарынан тікелей эфирде көре алады.
XXIV Қысқы Олимпиадаға қатысатын Қазақстан құрамасында 87 жолдама иеленген 34 спортшы бар. Қазақстандық спортшылар 8 спорт түрінен сынға түседі.
Әрбір жарыстың алдында және жарыс күнінен кейін «Бейжің-2022» атауымен тікелей эфирдегі студиялық бағдарламалар ұйымдастырылады.
XXIV Қысқы Олимпиада ойындарының ашылу салтанаты Нұр-Сұлтан уақытымен 4 ақпан 17:55-те басталады», — делінген жазбада.