Барлық қазақстандық теннисшілер Australian Open-2021 Ашық чемпионатында топ жару мүмкіндігінен айрылды.
Жарыстың соңғы қатысушылары Қазақстанның бірінші ракеткалары Елена Рыбакина мен Александр Бублик болатын. Аталған жұп аралас жұптық сында австралиялық теннисшілер Саманте Стосур - Мэттью Эбден жұбына 1:6, 4:6 есебімен есе жіберді.
Қазақстаннан бұл турнирге барлығы жеті теннисші қатысты: Елена Рыбакина, Александр Бублик, Андрей Голубев, Михаил Кукушкин, Ярослава Шведова, Зарина Дияс және Юлия Путинцева. Жекелей сында үздік көрсеткіш үшінші айналымға дейні барған Дияс пен Путинцеваға тиесілі. Ал жұптасып өнер көрсету бойынша Бублик пен Голубев үздік болды, олар 1/8 финалға дейін барды.