Финляндияның екінші Местис лигасындағы «РоКи» сапында өнер көрсететін қазақстандық шабуылшы Батырлан Мұратов Жоғарғы лигаға ауысуы мүмкін, деп хабарлайды ilta-Sanomat басылымының редакторы Саша Хуттунен.
«Местис жұлдызы Батырлан Мұратовға Лиига клубтары қызығушылық танытуда. Келесі маусымда 22 жастағы хоккейші Жоғарғы лигаға ауысуы мүмкін», — деп жазды журналист.
Мұратов ағымдағы маусымда «РоКи» сапында 29 ойын өткізіп, 32 (15+17) ұпай жинады. Осы көрсеткішпен ол өз командасының ең үздік сұрмергені атанып тұр, сонымен қатар Местис лигада бесінші орынға жайғасқан.