24 жастағы қазақстандық жартылай қорғаушы Ринат Жұматов «Атыраудан» кетті, деп хабарлайды команданың баспасөз қызметі.
Жұматов – «Атыраудың» тәрбиеленушісі. Негізгі командадағы дебюттік матчын 2018 жылы өткізген. «Мұнайшылар» сапында 46 ойынға қатысып, екі мәрте мергендігімен көзге түсіп, екі нәтижелі пас берген.
«Атырау» баспасөз қызметінің хабарлауынша, Ринат басқа клубқа ауысты. Алайда команданың аты аталмады.