«Кадистің» қорғаушысы Вараздат Ароян Арменияның 2021 жылғы үздік футболшысы болып танылды.
«Астананың» бұрынғы қорғаушысы дауыс беру кезінде 92 ұпай жинап, «Романың» жартылай қорғаушысы Генрих Мхитарянды (62 ұпай) басып озды. Үшінші орын «Краснодар» командасының жартылай қорғаушысы Эдуард Сперцянға (60 ұпай) бұйырды. Сауалнамаға Армения чемпионатының командаларының бапкерлері мен капитандары, сондай-ақ спорт журналистері қатысты.
Осылайша, соңғы 13 жылда Мхитарян үшінші рет бұл жүлдеге ие бола алмады. 2010 жылы пюниктік Карлен Мкртчян үздік деп танылса, 2018 жылы бұл атақ «Ақтөбенің» сол кездегі ойыншысы Маркос Пиззеллиге бұйырған.