«Астананың» бразилиялық ойыншысы Брайан Сильва Sputnik Қазақстанға берген сұқбатында Қазақстан құрамасында ойнауға қарсы емес екендігін жеткізді.
— Бразилия құрамасында ойнауды армандайсыз ба?
— Мен реалистпін және Бразилия құрамасына шақырту алу мүмкін еместігін түсінемін. Бірақ мен Қазақстан үшін қуана-қуана ойнайтын едім.
Естеріңізге сала кетейік, Брайан 2021 жылғы маусымды «Атырауда» өткізіп, 29 ойынға қатысып, бес гол соғып, төрт нәтижелі пас берді. Ал маусымаралық үзіліс кезінде елордалық «Астананың» ойыншысы атанды.