Елордалық «Астана» футбол клубы украиналық Даниил Бескоровайный жалға алды, деп хабарлайды команданың баспасөз қызметі.
«Астана» Бескоровайныйды «ДАК 1904» клубынан сатып алу құқығымен маусым соңына дейін жалға алды.
Бескоровайный – Украина футболының түлегі. Өз елінде «Луцк», «Волынь» және «Ковель-Волынь» сынды бірқатар командаларда өнер көрсеткен.
Даниилдің соңғы командасы — словакиялық «ДАК 1904» клубы. Бұл командада 62 ойын өткізіп, төрт гол салған. 2019 жылы Украина U20 құрамасымен жастар арасындағы Әлем чемпионатында топ жарды. Сондай-ақ Украинаның халықаралық дәрежедегі спорт шебері болып саналады.