Қазақстан құрамасының қақпашысы Дмитрий Непогодов келісім-шарт мерзімінің аяқталуына байланысты «Астанадан» кетті, деп хабарлайды елордалық клубтың баспасөз қызметі.
«Дмитрий «Астанаға» 2019 жылы келді. Елордалық клубта 33 матч өткізді. 2021 жылы Қазақстан чемпионатында Непогодов маусымдық рекорд орнатты – қақпашы 543 минут бойы гол өткізбеді.
«Астана» футбол клубының командасы Дмитрийге команданың жетістіктеріне қосқан үлесі үшін алғыс айтып, мансабында одан әрі табыс тілейді», - деп жазады клубтың баспасөз қызметі.