13 қаңтарда Сиднейдегі халықаралық турнирде өнер көрсеткен қазақстандық теннисші Анна Данилина жұптық сындағы кездесуде жеңіске жетті.
Анна Сиднейде бразилиялық Беатрис Хаддад Майямен жұп құрды.
Таңертең Данилина мен оның серіктесі Домбровски (Канада)/Ольмос (Мексика) жұбын 6:4, 6:2 есебімен ұтып, сенсация жасады. Одан кейін ойын күнінің соңында қазақстандық-бразилиялық жұп үш сетке созылған тартысты жекпе-жекте ресейліктер Александрова мен Дзаламидзеден басым түсті – 5:7, 7:5, 10:8.
Енді 14 қаңтарда Данилина-Майя дуэті турнирдің финалына жолдама алу үшін Жапония өкілдері – Аояма және Шибахарамен кездеседі.