«Әл-Фейсали» сапындағы қазақстандық футболшы Александр Меркельдің нарықтағы құны айтарлықтай өзгеріске ұшырады.
28 жасар жартылай қорғаушының Transfermarkt порталындағы бағасы 1 миллион еуродан 1,5 миллион еуроға көтерілді. Осылайша «Әл-Фейсали» қатарындағы екінші қымбат ойыншы атанды. Ал қазақстандық ойыншылар арасында төртінші орында.
Меркель Сауд Арабия чемпионатының ағымдағы маусымында 13 ойынға қатысып, бір нәтижелі пасымен көзге түсті. Хармалық клуб ішкі чемпионаттың 16 турынан кейін 18 ұпай еншілеп, 14-орында келеді.