Алматылық «Қайрат» Түркиядағы оқу-жаттығу жиынында ресейлік «Сочиден» 1:2 есебімен жеңіліп қалды.
«Қайрат» – «Сочи» (Ресей) – 1:2
Голдар: Данияр Үсенов 56 (пенальти) - Матео Касье 19, 46
«Қайрат»: Вадим Ульянов (қ) - Дамир Қасабулат, Маки Баньяк, Арсен Буранчиев, Сұлтанбек Астанов - Яцек Гуральский (к), Антон Крачковский, Гүлжігіт Алықұлов, Еркебұлан Сейдахмет - Данияр Үсенов, Хосе Канте.
Бұл «Қайраттың» Түркиядағы оқу-жаттығу жиынындағы төртінші жеңілісі болды. Бұған дейін алматылық клуб босниялық «Борацқа» (1:2), өзбекстандық «Навбахорға» (0:1) және киевтік «Динамоға» (0:4) есе жіберген болатын.
Ресей Премьер-лигасының ағымдағы маусымында «Сочи» көшбасшы командадан 7 ұпайға қалып, үшінші орында тұр.