Конференция лигасының баспасөз қызметі топтық кезеңде допты тартып алу бойынша үздік футболшылардың есімін жариялады.
Бұл көрсеткіш бойынша «Қайрат» қорғаушысы Маки Баньяк үздіктер қатарына енді. Ол 71 рет қарсыласты допсыз қалдырған. Одан тек австриялық ЛАСК клубының ойыншысы Лукас Гргич қана озып тұр (73). Тізімде украиналық «Заря», кипрлік «Антортосис» пен голландиялық «Витесстің» ойыншылары бар.
Еске салайық, Конференция лигасында «Қайрат» өз тобында соңғы орын алған болатын. Алматылықтар алты матчта екі рет тең түсіп, төрт матчта жеңіліп қалған.