«Қайрат-Мәскеудің» 18 жастағы қазақстандық қорғаушысы Егор Ткаченко «Қайрат» клубымен келісім-шартқа отырды.
Егор «Қайратқа» 2022 жылдың соңына дейін жалға берілді.
Ткаченко – «Қайраттың» түлегі. Өткен көктемде ол «Қайрат-Жастар» сапында Бірінші лигадағы дебютін жасап, 8 матчта 2 нәтижелі пас берді. Ал жазда «Қайрат-Мәскеу» командасына қосылып, осы уақытқа дейін 16 матчқа қатысты.
Күзде Егор 19 жасқа дейінгі Қазақстан жасөспірімдер құрамасында дебют жасап, Солтүстік Ирландия қақпасына гол соқты, ал бір айдан кейін Қазақстан (U-21) жастар құрамасына шақыртылды.
Ткаченко орталық қорғаушы позициясында өнер көрсетеді, қажет болса қорғаныстың оң қапталында ойнай алады.