Алматылық «Қайрат» Түркиядағы екінші оқу-жаттығу жиынының аяқталғанын хабарлап, төрт күндік демалысқа кетті, деп хабарлайды клубтың баспасөз қызметі.
Үшінші жиын 14 ақпан күні Белекте басталады. Оңтүстік астаналықтар екінші оқу-жаттығу жиынында бес кездесу өткізіп, бірде-бір жеңіске жетпеді.
Мәскеулік «Динамодан» 2:0, самаралық «Крылья Советовтан» 3:2, украиналық «Александриядан» 4:1, беларусьтік «Рухтан» 2:0 болып ұтылса, Черногория чемпиондары «Будучностьпен» тең (2:2) тарқасты.