Ең жеңіл салмақтағы қазақстандық боксшы Бекман Сойлыбаевтың (12-1, 4 КО) келесі жекпе-жегінің қашан өтетіні және қарсыласы анықталды, деп хабарлайды Sports.kz.
Спортшы рингке 5 ақпанда Ақтаудағы Adal Promotions компаниясы ұйымдастырған бокс кеші аясында оралады. BoxRec.com сайтының хабарлауынша, Бекманның қарсыласы 26 жастағы мексикалық Элиот Чавес (10-3-1, 6 КО) болмақ. Жекпе-жек сегіз раундқа жоспарланған.
Бекман Сойлыбаев тамыз айында Дубайда (БАӘ) өткізген өзінің соңғы жекпе-жегінде Мексиканың басқа бір боксшысы Рамиро Чесенадан (14-0-1, 11 КО) ұтылған болатын.