UFC-дегі қазақстандық файтер Шавкат Рахмонов елде болып жатқан жағдайға қатысты пікір білдіріп, халықты қолдады.
«Елім! Қазағым! Әр қиындықтың артында бір жеңілдік бар! Жұрт болып бәрін еңсереміз!
Алдымен, осы қайғылы күндері қаза тапқан қазақстандықтардың отбасына, жақындарына көңіл айтамын. Қазалардың арты қайырлы болсын деп тілеймін.
Бұл күндері елде болмасам да, жүрегіммен Қазақстандамын. Елде болып жатқан оқиғалар жаныма батып отыр. Мені оқып отырған жастарға мынаны айтқым келеді: Біздің күшіміз бірлікте, елдікте, ауызбіршілікте! Соны ұмытпайық!
Елдің болашағын баянды ету біздің қолымызда. Көк туымыз әрдайым биікте желбіресін! Менің Қазақстаным! Менің бауырларым!», – деп жазды Рахмонов инстаграмдағы парақшасында.