Қазақстандық теннисші Аружан Сағындықова Australian Open-нің жастар арасындағы жұптық сынының жартылай финалына шыға алмады.
Сағындықова мен ресейлік Екатерина Хайрутдинова 49 минутқа жалғасқан кездесуде канадалықтар Кайла Кросс пен Виктория Мбокоға 0:2 (2:6, 2:6) есебімен есе жіберді.
Осылайша Сағындықова мен Хайрутдинова турнирді ширек финалдан аяқтады. Естеріңізге сала кетсек, Аружан жекелей сынның алғашқы айналымында сүрінген еді.