28 жастағы либериялық шабуылшы Сэм Джонсон «Ақсуға» ауысты, деп хабарлайды клубтың баспасөз қызметі.
Футболшы павлодарлық клубқа еркін агент ретінде қосылды.
Сэм Джонсон мансабының басында «Далькурд», «Ассириска», «Ювентус ИФ», «Хернёсанд», «Фрей» және «Юргорден» сияқты швециялық клубтарда ойнады. Қытайдың «Ухань», норвегиялық «Волеренге», америкалық «Солт-Лейк» және либериялық «Сабах» командаларында да өнер көрсетті.
Оның соңғы клубы швециялық «Мьельбю» болды (6 ойын, 1 гол).
Жалпы, Джонсон мансабында 212 матч өткізіп, 73 гол мен 13 нәтижелі пастың авторы атанды.