Италияда өтіп жатқан Biella Challenger-2021 турнирінің жұптық сынында қазақстандық Дмитрий Попко мен америкалық Тай-Сон Квятковски швейцариялық Лука Маргароли мен беларусьтік Андрей Василевский жұбына жеңіліп қалды.
1 сағат 12 минутқа созылған текетіресте Попко/Квятковски жұбы мүмкін болған жеті брейкпойнттың біреуін де пайдалана алмады. Сонымен қатар төрт рет қос қателікке жол берді.
Естеріңізге сала кетсек, қазақстандық теннисші дәл осы турнирдің жекелей сынында тунистік Малик Жазириді жеңіп, 1/8 финалға жолдама алып, германиялық Даниэль Мазурға қарсылас атанған еді. Кездесу 11 ақпан Нұр-Сұлтан уақытымен 16:00-ге жоспарланған.
Дмитрий Попко (Қазақстан), Тай-Сон Квятковски (АҚШ) – Лука Маргароли (Швейцария), Андрей Василевский (Беларусь) – 2:0 (5:7, 3:6)