Қостанайлық «Тобылдың» ойыншысы Серікжан Мужиков ҚР Суперкубогіндегі жеңіске қатысты пікір білдіріп, жанкүйерлерді жеңіспен құттықтады.
«Алдымен, бұл жеңісті барша Қостанай облысының тұрғындарына, жанкүйерлерге арнаймыз. Біздің әр қуанышымыз сіздердің қолдауларыңыздың арқасында. Бастысы жаңа маусымды жақсы көңіл-күймен бастадық.
Рас, ойын оңайға соққан жоқ. Алаңның әр шебінде талас-тартыс жүрді. «Қайрат» та қорғаныста сауатты ойнай білді. Бірақ біз бапкер сенімін орындай білдік деп ойлаймын. Намысты қолдан бермеген жігіттерге ризамын. Көптен күткен жеңіске қол жеткіздік. Тағы да жанкүйерлерімізді осынау жарқын жеңіспен құттықтаймыз!», – деді Мужиков.