Жамбылдық «Тараз» командасының бас бапкері болып тағайындалған Нұркен Мәзбаев болашақтан қандай үміт күтетінін айтты, деп жазады клубтың ресми сайты.
«Туған командама оралғаныма өте қуаныштымын. Өздеріңіз білесіздер, бүгінде елімізде күрделі саяси жағдай қалыптасты, бірақ өмір біртіндеп жақсарып келеді, сондықтан футбол туралы ойлану керек. Арман-мақсаты бір команда құрамыз және алға қойылған міндеттерді орындай аламыз деп үміттенемін. Футболдан басқа тақырыптағы әңгемелердің аз болғанын қалаймын, сонда бәріне жұмыс істеу оңайырақ болады. Жақын арада ойыншылармен ойларын тыңдау үшін жеке әңгімелесемін. Біз жақсы нәтижелерге қол жеткіземіз деп үміттенемін», — деді Мәзбаев мырза.