«Ақтөбе» футбол клубының капитаны Юрий Логвиненко команданың Түркияда өтіп жатқан алғашқы оқу-жаттығу жиыны жайлы әсерімен бөлісті, деп жазады ақтөбеліктердің баспасөз қызметі.
«Оқу-жаттығу жиыны өте жақсы өтіп жатыр. Қазір өз физикалық қалпымызға келудеміз. Дайындықты бастағанымызға осымен бес күн болды. Командаға жаңа ойыншылар көп келіп жатыр, біреуі — қаралымға, біреуі — келісімшарт жасасуға. Барлығы жоспарлы түрде жүріп жатыр дей аламын. Негізінен қазіргі таңда демалыстан кейін физикамызды, күшімізді нығайтып жатырмыз. Бұл үшін мұнда барлық жағдай жасалған. Жақын арада жолдастық ойындар басталмақ. Әзірленіп жатырмыз», — деді Логвиненко.