Грузия құрамасының футболшысы Элгуджа Лобжанидзе жақын күндері «Астананың» ойыншысы атануы мүмкін, деп хабарлайды Vesti.kz.
Қазіргі таңда қос тарап келіссөздер жүргізуде. Бір жылға жарамды келісімшартқа қол қоюлары әбден мүмкін. Лобжанидзеге елордалық клубтың бас бапкері Андрей Тихонов қызығушылық танытып отыр. Сонымен қатар грузиялық ойыншы жалақысының көптігіне байланысты клубтан кетуге жақын Пиерос Сотириуды алмастырады деп күтілуде.
Элгуджа өткен маусымды қызылордалық «Қайсар» сапында өткізіп, 13 ойында жеті гол соққан еді. Transfermarkt 28 жасар шабуылшыны 600 мың еуроға бағалауда.