Дир-Вэллиде (АҚШ) әлем кубогі кезеңі аясында параллель могулдан қазақстандық Юлия Галышева төртінші орынға ие болды, деп хабарлайды Olympic.kz.
Юлия жартылай финалда америкалық Ханна Сордан жеңіліп, финалдан шет қалғанымен, үшінші орынға күресуге мүмкіндік алды. Галышева қола жүлдеге таласта Тесс Джонсонмен (АҚШ) бақ сынвп. америкалықтан жеңіліп қалды. Осылайша отандасымыз төртінші орынды місе тұтты.
Қазақстан құрамасы сапынан Анастасия Городко, Аяулым Амренова, Павел Колмаков, Сергей Романов, Антон Бондарев және Дмитрий Рейхерд жарыс жолына түскенмен, шешуші кезеңге жолдама ала алмады.