Қазақстандық теннисші Елена Рыбакина Аустралия ашық чемпионатының басталуына бес күн қалғанда жамбасынан жарақат алып, Сиднейдегі турнирден бас тартты.
WTA рейтингінде 13-ші орында тұрған Рыбакина сәрсенбі күні турнирдің екінші айналымында франциялық Каролин Гарсиямен кездесуі керек еді.
– Өкінішке қарай, өткен аптада ұзақ уақытқа созылған теннис ойынынан кейін, одан кейін Сиднейге келіп, кешегі матчтан кейін қалыпқа келіп үлгермедім. Жамбасымды зақымдап алғандықтан, қиындықтарға тап болдым. Бүгінгі матчқа қатысудан бас тартуға мәжбүр болғаным көңілімді түсірді, - деді Рыбакина Australian Open баспасөз қызметіне берген сұхбатында.