Қазақстанның бірінші ракеткасы Елена Рыбакина Аустралия ашық біріншілігінің екінші айналымындағы кездесуін өткізді.
Әлемдік рейтингте 12-орында тұрған Рыбакина 74-орындағы қытайлық теннисші Чжан Шуаймен кездесті. Бірінші сетті 22 жастағы қазақстандық спортшы күтпеген жерден жеңіліп қалды (6:4), ал екінші сетте Рыбакина (0:1) ойынды жалғастырудан бас тартты.
Үшінші айналымда Чжан Шуай Бельгия өкілі Элизе Мертенспен (19) ойнайды.
Еске салайық, Мельбурндегі жарыстың алғашқы айналымында Елена Рыбакина отандасы Зарина Диясты ұтқан болатын (6:7, 7:6, 6:1).