АТР рейтингінде 195 орында тұрған Қазақстандық теннисші Дмитрий Попко «Beeline Open Challenger 80 Almaty» турнирінің алғашқы айналымында Владислав Орловты жеңіп, аталған челленджердің 1/8 финалына жолдама алды.
Дмитрий Попко (Қазақстан) — Владислав Орлов (Украина) — 2:0 (6:2, 6:3)
1 сағат 26 минутта аяқталған матчта Попко 3 эйс жасады, доп беру кезінде 3 рет қос қателік жіберді және 11 брейк-пойнттың алтауын жүзеге асырды.
Келесі айналымда қазақстандық теннисші әлемдік рейтингте 338 орында тұрған румыниялық Филип Кристиан Жиянумен шеберлік байқасады. Кездесу 10 маусымда Нұр-Сұлтан уақытымен 11:00-де басталады.