Мельбурнде өтіп жатқан «Phillip Island Trophy» турнирінің 1/8 финалында Зарина Дияс (83) канадалық Бьянка Андреескуға (9) жеңілді.
27 минутқа созылған алғашқы сетте 1:6 болып жеңілген отандасымыз кездесуді жалғастырудан бас тартып, жеңісті канадалыққа сыйлап жіберді. Осылайша Зарина доданы үш айналымнан аяқтады.
Алғашқы екі айналымда Зарина америкалық Кристина Макхейл (84) мен румыниялық Ана Богданды (96) жарыс жолынан шығарған еді.