Александр Бублик пен Андрей Голубев Мельбурнде өтіп жатқан Австралия Ашық чемпионатының (Australian Open) жұптық сынында екінші айналымға шықты.
Алғашқы айналымда қазақстандық теннисшілер Сальваторе Карузо (Италия) - Эмиль Руусувуори (Финляндия) жұбынан екі сет қорытындысы бойынша бірдей есеппен (7:6) басым түсті. Бір жарым сағатқа созылған матчта қос жұп та допты ойынға қосу кезінде үш реттен қателесті.
Бублик пен Голубевтың келесі қарсыластары жұптық сын бойынша әлемдік рейтингте бірінші және екінші орында тұрған колумбиялық теннисшілер Роберт Фара мен Хуан Себастьян Кабаль болмақ.