Тунистің Радес қаласында үстел теннисінен жасөспірімдер арасындағы WTT сериясының алғашқы турнирі өтті, деп хабарлайды Olympic.kz.
15 жасқа дейінгі спортшылар арасындағы қазақстандық Алан Құрманғалиев көзге түсті.
Ол жекелей сында Павола Кокавец (Словакия), Чади Хсайри (Тунис), Хай Лама (Норвегия), Тиаго Абиодуна (Португалия), Яндриша Моравикадан (Чехия) басым түсті.
Ал шешуші матчта словакиялық Самуэль Арпастан ұтылды. Жұптық сында Құрманғалиев тунистік Айдли Юссефпен бірлесіп, турнирдің қола жүлдесін жеңіп алды.