Қазақстан ұлттық құрамасының жартылай қорғаушысы Юрий Перцух «Ақтөбе» клубына ауысты, деп хабарлайды клубтың баспасөз қызметі.
Бүгін таңда Юрий ақтөбеліктердің Түркиядағы оқу-жаттығу жиындарына келіп қосылған және кешке қос тарап еңбек келісімшартына қол қояды.
Перцухтың соңғы клубы елордалық «Астана» командасы. Юрий нұр-сұлтандықтар сапында 52 ойынға қатысып, үш гол соғып, үш нәтижелі пас берген. Ал жалпы Қазақстан премьер-лигасында 77 матчқа шығып, алты мәрте қақпа торын тулатса, бес рет голдық пас берген.