Қазақстандық 36 жасар қақпашы Владимир Логиновский петропавлдық «Қызылжар» ойыншысы атанды, деп хабарлайды команданың баспасөз қызметі.
Transfermarkt порталының дерегі бойынша, қос тарап 2022 жылдың соңына дейін жарамды келісімшартқа қол қойды.
Логиновский кәсіби мансабын «Қызылжар» сапында бастап, кейін «Жетісу», «Астана», «Тобыл» және «Тараз» командаларының намысын қорғады. Соңғы маусымдары «Атырау» жейдесінде өткізді.
Голкипер ҚПЛ-де 96 ойын өткізіп, 141 гол жіберіп, 24 матчта қақпасын голдан аман сақтаған.