Елордалық «Астана» футбол клубы Беларусь құрамасының қорғаушысы Артем Рахмановпен толықты, деп хабарлайды команданың баспасөз қызметі.
Артем кәсіби мансабын 2008 жылы «Минск» сапында бастаған. Сонымен қатар қорғаушы Швеция, Польша, Молдова, Эстония және Украина чемпионаттарында өнер көрсетті. Артемнің соңғы командасы бресттің «Рух» клубы болды, оның құрамында 50 матч ойнап, төрт гол соғып, үш нәтижелі пас берді.
Беларусь ұлттық құрамасында екі ойын өткізген футболшы мен елордалық клуб 2023 жылдың соңына дейін жарамды келісімшартқа қол қойды.