Қазақстандық ММА шебері Арман Оспанов (11-4) Майамиде (АҚШ, Флорида штаты) Eagle FC 44 турниріне қатысады, деп жазады «Вестник ММА» инстаграм парақшасы.
Жерлесіміздің октагондағы келесі қарсыласы француз Дилан Сальвадор (4-1) атанбақ. Қос файтер де соңғы айқастарында жеңілістің кермек дәмін татқандығын айта кеткен жөн.
«Сұңқар» мен Сальвадордың жекпе-жегі қаңтар айының 29 жұлдызына жоспарланған.
Еске салайық, бұл күндері мұхиттың ар жағында жаттығу жасап жүрген Оспанов әлеуметтік желіде елдегі жағдайға байланысты халықты сабырға шақырған болатын.