Оралдық «Ақжайық» футбол клубы Қазақстан ұлттық құрамасының шабулышысы Оралхан Өміртаевпен толықты, деп хабарлайды команданың баспасөз қызметі.
Өміртаев – Қарағанды футбол мектебінің түлегі. Кәсіби мансабын «Шахтер» сапында бастап, кейіү қостанайлық «Тобылға» ауысты. Ал өткен маусымды «кеншілер» сапында өткізді.
Жалпы, ҚПЛ-де 89 ойынға қатысып, 12 мәрте мергендігімен көзге түсіп, бес нәтижелі пас берді. Сонымен қатар Қазақстан құрамасының жейдесінде бес матч өткізіп, екі гол соққан.
Transfermarkt порталының дерегі бойынша қос тарап 2022 жылдың соңына дейін жарамды келісімшартқа қол қойды.