Малилік жартылай қорғаушы Тонго Думбия «Ақтөбемен» келісімшартқа қол қойды, деп хабарлайды клубтың баспасөз қызметі.
Тонго осыған дейін «Вулверхэмптон», «Тулуза», «Ренн», «Валансьен», «Динамо Загреб», «Әл-Айн» сынды белді клубтарда доп тепкен.
Франция чемпионатында 142 ойын өткізіп, он мәрте қақпа торын тулатса, алты нәтижелі пас берген.
2012 жылдан Мали құрамасына шақырту алып, 20 матчқа қатысқан. Transfermarkt порталының ақпараты бойынша, 31 жасар жартылай қорғаушы мен клуб арасындағы келісімшарт 2021 жылдың соңына дейін жазылған.