Түркиядағы оқу-жаттығу жиындары аясында петропавлдық «Қызылжар» тольяттилік «Акрон» клубын 2:0 есебімен тізе бүктірді.
Петропавлдықтар сапынан Максим Драченко мен Данило Алвес көзге түсті. Ал 2018 жылы ғана құрылған жас клубтың қатарынан ешкім гол сала алмады. «Акрон» қазіргі таңда ҰФЛ-де (ФНЛ) өнер көрсетеді.
Бұл «Қызылжардың» оқу-жаттығу жиындарындағы жетінші ойыны. Соның төртеуінде қарсыласқа жол берсе, екеуінде жеңіс тойын тойлап, бір матч тең аяқталған.