2022 жылғы Аустралия ашық чемпионатының жеребе тарту рәсімі өтті, деп хабарлайды Meta-ratings.kz тілшісі.
Бірінші айналымда қазақстандық дерби өтеді: турнирдің 12-ші нөмірін иеленген Елена Рыбакина (№13) Зарина Диясқа (№108) қарсы ойнайды. Үздік шыққан теннисші Виктория Голубич (№42, Швейцария) - Чжан Шуай (№60, Қытай) жұбының жеңімпазымен кездеседі.
Юлия Путинцева (№43) француз теннисшісі Хармони Танмен (№110) кездеседі. Бұл кездесуде басым болған теннисші келесі айналымда Элина Свитолина (№16, Украина) - Фиона Ферро (№104, Франция) жұбының жеңімпазымен күш сынасады.
Ерлер арасында әзірге Қазақстанның атынан тек Александр Бублик (№35) негізгі кезеңге өтті. Сондай-ақ іріктеу кезеңінің қорытындысы бойынша тағы үш қазақстандық теннисші, атап айтсақ, Михаил Кукушкин (№180), Дмитрий Попко (№177) және Тимофей Скатовтың (№255) чемпионатқа қатысу мүмкіндігі бар.