«Қайрат» футбол клубы Раде Дугалич және Небойша Косовичпен келісімшартты бұзды, деп хабарлайды алматылық команданың баспасөз қызметі.
Раде Дугалич «Қайрат» сапына 2019 жылы келіп, 95 ойын өткізіп, 12 гол соғып, екі голдық пастың авторы атанды.
Небойша Косович «сары-қаралар» қатарын 2019 жылы толықтырып, 72 матч өткізіп, тоғыз мәрте мергендігімен көзге түсіп, тоғыз нәтижелі пас берген.
«Сары-қаралар» сапында өткізген үш жылдың ішінде Дугалич пен Небойша команданың жетістігіне зор үлес қосты. «Қайрат» 2020 жылғы маусымда Қазақстан Премьер-лигасының чемпионы атанды және 2021 жылы клуб тарихында алғаш рет Еурокубоктардың топтық кезеңіне жолдама алды.