Қазақстан чемпионатының орталық кездесулерінің бірі бүгін Алматыда өтті. Жергілікті «Қайрат» АФК «Каспийді» қабылдады.
Ел чемпиондары үшін турнирлік кестеде сегізінші орында тұрған командамен оңай ойын болатындай көрінген. Бірақ, ақтаулық ұжым «Қайратқа» кәдімгідей сес көрсетіп, алаң иелерін екі ұпайдан айыруға шақ қалды.
Алматылықтар сапынан Гадейя хэт-трик жасап, Фернандиньо бір гол соқса, қонақтардан Текеев, Таңатұлы, Долубаев көзге түсті. Қорытынды есеп «Қайраттың» пайдасына 4-3.