Футбол. Чемпиондар лигасы. Іріктеу кезеңі.
Тобыл – Ференцварош.
Стадион: «Орталық», Қостанай.
06.07.2022. 20:00 (Нұр-Сұлтан).
Чемпиондар лигасы басталды! Ел чемпионы «Тобыл» алғашқы матчты өз алаңында ойнайды. Комментатор Ермұхамед Мәулен осы ойынға болжам берді.
«Тобылдың» жай-күйі:
Команда тізгінін Милан Миланович ұстағалы бері «Тобыл» жақсы ойнай бастады. Москоленко жіберген қателіктерді бірден реттеп кетті. Әлі де қызу жұмыс күтіп тұр. Чемпионатта қарсыластарын қоғадай жапырып, жеңіп жатыр. Зоран Тошичтің қазіргі бабы ғаламат. Голдар салып, нәтижелі пастар шығарып жүр. Сергеев те «селт» еткізер соққыларымен көзге түсті. Тағыберген мен Йованчич ортаны ұстайды. Қорғаныста түгел ұлттық құрама ойыншылары. Жалпы, команданың көңіл-күйі жаман емес. Соңғы турда «Тұранмен» тең ойнады демесеңіз іс-қимылы жалпы жаман емес.
«Ференцвароштың» жай-күйі:
«Ференцварош» Венгрия чемпионатындағы алғашқы турын 30 шілде күні өткізеді. Демек әлі соншалықты бабында емес деген сөз. Тек жолдастық матчтар ғана ойнап жүр. «Лудогорец» пен «Карлсруэ» командаларын 3 доп айырмасымен жеңіпті. Шабуыл шебінде Адама Траоре ғана жарқылдап тұр. Қалған Токмак Нгуен мен Франк Болидің қатты қарқыны байқалмайды. Шабуылы мықты болғанымен Венгрия чемпионының қорғанысы әлсіз көрінді.
Последние игры «Тобол»
Тобол
Ференцварош
Бәс пен болжам:
«Тобыл» өз стадионында жақсы ойнауы тиіс. Жанкүйерлер қолдаса шабыттанып алға шығары хақ. Әкім Архимед Бекжанұлы жігерлендіріп жіберсе тіпті гол салуға да болады. Фаворит «Ференцварош» болса да мен қазақ командасына сенім артып, «Тобыл» гол салады деген бәсті таңдадым. Оған кеңселер – 1.45 коэффициент ұсынып отыр.
