Футбол. Қазақстан Суперкубогы 2022. «Астана Арена» стадионы, Нұр-Сұлтан. 2.03.2022. Сағат 19:30.
Қазақстан Суперкубогі: Тобыл – Қайрат
Қазақстанда футбол маусымы басталады! Қандай тамаша жаңалық. Күллі жанкүйер бұл ойынды тағатсыздана күтті. Ендеше маусымашар матчтың тағдыры қалай болмақ? Комментатор Ермұхамед Мәулен осы ойынға болжам берді.
«Тобылдың» жай-күйі
Қостанайлық команда өткен жылғы құрамын сақтап қалды. Зоран Тошич, Игорь Сергеев, Асхат Тағыберген сеакілді көшбасшылар команда қатарында. Азат Нұрғалиев қана «Арыс» сапына ауысты. Оның өзі соңғы кездері негізгі құрамнан шығып қалып жүрген еді. Александр Москоленко жас бапкер. Ол трофейге қатты құмар. Қазақстан Суперкубогында жеңіске жету оған ғаламат әсер берері анық. «Тобыл» жаттығу жиынында сапалы ойындар өткізді. Ресейлік және Украиналық клубтармен терезесі тең ойнады. Біршама қарсыласын жеңіп те тастады. Сондықтан да, «Тобыл» дәл қазір «Қайраттан» мықтырақ екені анық
«Қайрат» жай-күйі
«Қайрат» елдегі саяси жағдайға байланысты оқу-жаттығу жиындарын кеш бастады. Алматыда «қаңтар оқиғасы» орын алып, команда шет мемлекетке ұшып шыға алмады. Соның салдарынан «Қайрат» дайындықты өзгелерден кеш бастады. Түркиядағы жиында жолдастық матчтар өткізіп, біршамасында жеңіліп қалды. Өткен жылы негізгі құрамда ойнаған Дугалич, Косович, Сүйімбаев және Вагнер Лав секілді футболшылар өзге командаларға ауысып кетті. Одан бөлек, осы жақында ғана Айбол Әбікен «Ақсу» командасына ауысқаны жайлы ақпарат шықты. Демек, «Қайрат» дәл қазір маусымға дайын емес деген сөз.
Бәс пен болжам:
Букмекерлік кеңселер екі командаға да жоғарғы коэфиценттер ұсынып отыр. Матч фавориті – «Тобыл». Қостанайлық команданың жеңісіне 2,14 коэфицент беріліпті. Менің ойымша бұл тәуекелге баруға тұрарлық коэфицент. «Тобыл» 90 минуттың ішінде жеңімпаз атанады деген ойдамын. Қорғанысы мығым команда шабуылдап жүріп бір гол салса болды емес пе? Оның үстіне «Қайраттың» қақпашылары кілең жас жігіттер екен.