ҚПЛ, 4-тур «Мақтаарал» - «Астана» 3 сәуір, 18:00 (Нұр-Сұлтан) Түркістан Арена
«Мақтаарал» - «Астана» матчына болжам
Қазақстан чемпионатының 4-турында тағы бір қызықты матч бар. Премьер-лига дебютанты «Мақтаарал» Түркістан қаласында «Астананы» қабылдайды. Срджан Благоевич шәкірттеріне қазір кез келген матчта 3 ұпай қажет. Ал Ферапонтовқа жеке маман ретінде бас бапкер болып қалыптасу үшін командасының нәтижеге қол жеткізгені керек. Ендеше бұл матч қалай өрбімек? Ермұхамед Мәулен осы ойынға болжам жазып көріпті.
«Мақтааралдың» жай-күйі
«Мақта» алғашқы турда «Ордабасымен» тең түсті. Ол ойында «Ордабасы» бір күн бұрын ғана командаға келіп қосылған легионерлерін алаңға шығарды. Табиғаттың да қаталдығы матчқа теріс әсер берді. Командалар сүбелі ойын өрнегін көрсететіндей жағдай болмады. Қар аралаас жаңбыр жауды, жасыл алаңға қоңыр балшық болып жатты. Осындай жағдай жетісайлық клубқа қайта пайдасын тигізді. Екінші ойында «Мақтаарал» тәжірибиесі мол «Қайратқа» есе жіберді. Сосын, сырт алаңда «Атыраумен» ойнап, тағы да үш ұпай таратты. Өзінің базасы да, стадионы да жарамсыз болғандықтан бұл команда өз алаңындағы ойынын «Түркістан Аренада» өткізеді. Сондықтан да, өз алаңында ойнап, жанкүйерлер қолдауын сезінеді деу бос әңгіме. «Мақтаарал» «Астанаға» қарсы бар күшін салып көргенімен, шамасы жетпейтіні байқалады.
«Астананың» жай-күйі
Алғашқы үш турда «Астана» да қиындықтарға тап болды. Алдымен, «Шахтермен» тең түсті, бірақ сол бір ұпайдың өзінен айырылып қалды. Бәріне кінәлі бас бапкер Благоевич. Ол алаңға легионерлерді артығымен шығарып жіберіпті. Екінші турда күтпеген жерден «Ақсуға» жеңіліп, елордалықтар ыңғайсыз жағдайға тап болды. Бірақ, Срджан сыр алдырмады. Командасы үшінші турда «Ақтөбені» жеңіп, жанкүйерлер мен басшылықтың ризашылығына бөленді. Енді сырт алаңда «Мақтааралды» міндетті түрде жеңу керек болып тұр. «Мақтаарал» алғашқы үш ойында 3 қызыл қағаз алған команда. Тәртібі нашар болғаннан кейін шығар, ұпай таратып жүргені. Бір легионеріне тәртіптік-бақылау комиссиясы 3 ойындық жаза тағайындады. Сондықтан да, елордалықтар коптеген комбинациялар жасап жүріп, басым түседі. Оның үстіне Абат Айымбетовтың қазір біртіндеп бабына келіп алғанын байқадыңыздар.
Болжам мен бәс
Жоғарыда жазылған сараптамадан түсінгендеріңіздей «Астана» бұл матчтың анық фавориті. «Мақтаарал» бар мүмкіндігін қосқан күннің өзінде бір гол ғана салуы мүмкін. Бірақ, жағдай оған да жетпейтінге саяды. Басшылығы мен бапкерлік штабының алауыздығы команданы ұшпаққа шығармасы белгілі. Менің ойымша «Астананың» жеңісі өте сенімді көрініп тұр. Оған букмекерлік кеңселер 1,6 коэфицент ұсыныпты.