30 жастағы қазақстандық шабуылшы Бауыржан Тұрысбек «Атырау» футбол клубының ойыншысы атанды, деп хабарлайды команданың баспасөз қызметі.
Тұрысбек өткен маусымды талдықорғандық «Жетісу» сапында өткізді. Одан бөлек алматылық «Қайрат», қостанайлық «Тобыл», қарағандылық «Шахтер», «Тараз» және сербиялық «Раднички» командаларының намысын қорғаған.
Жалпы клубтық мансабында 197 ойын өткізіп, 35 гол соғып, 10 нәтижелі пас берді. Сонымен қатар Қазақстан ұлттық құрамасының жейдесінде 14 матчқа қатысып, үш мәрте мергендігімен көзге түскен.