Octagon-ның Қазақстандағы промоушені 24 наурызда Алматыда өтетін титулдық жекпе-жек туралы ресми ақпарат жариялады.
35 жастағы қазақстандық Сәмбет Найманбаев (4-4) пен 23 жастағы қырғызстандық Шермұрат Калилов (3-0) жеңіл салмақ дәрежесінде бос белбеу үшін жұдырықтасатын болады.
Калилов «TahtayTeam» командасы сапында үш жекпе-жектің екеуін октагонда өткізіп, біреуін мерзімінен бұрын аяқтады. Ал Найманбаев бұған дейін америкалық ROC ұйымында өнер көрсеткен. Сегізбұрышта ол үш рет жеңіске жетті.
Бұған дейін бұл титул белбеуді босатқан қазақстандық спортшы Денис Муцнекке тиесілі еді.