Қазақстандық теннисші Александр Недовесов Сиднейдегі турнирдің жұптық кезеңінде сәтті өнер көрсетіп, ширек финалға жолдама алды, деп хабарлайды Meta-ratings.kz тілшісі.
Недовесов 41 жастағы пәкістандық теннисші Айсам-уль-Хак Курешимен жұп құрып, 1/8 финалда Марсело Аревало (Сальвадор) / Жан-Жьюлен Ройерді (Нидерланды) 7:6, 6:4 есебімен жеңді. Матч 1 сағат 37 минутқа созылды. Недовесов / Куреши жұбы 4 рет эйс жасап, 2 брейктің біреуін жүзеге асырды.
Бұл дуэттің ширек финалдағы қарсыласы алдағы уақытта анықталатын болады.